Khanjar Se Karo Baat Na Talwaar Se Pucho
Main Qatal Hua Kese Mere Yaar Se Pucho
Farz Apna Masiha Ne Ada Kar Diya Lekin
Kis Tarha Kati Raat Ye Beemar Se Pucho
Kuch Bhool Hui Hai To Saza Bhi Koi Hogi
Sab Kuch Main Bata Doonga Zara Pyar Se Pucho
Aankhon Ne To Chup Reh Ke Bhi Rudaad Suna Di
Kyun Khul Na Sake Ye Lab E Izhaar Se Pucho
Ronaq Hai Mere Ghar Main Tasavvur Hi Se Jiske
Wo Kon Tha Rahi Dar 0 Deewar Se Pucho..
Post a Comment